Du scheene Stadt in scheen’n Tale,
mei liewes Halle, sei jejrießt.
Ich liebe dr, solang de Saale
vorbei an dein’n Tärm‘ fließt.
Dr Schepfer leecht in jeden Lenze,
wenn Eis un Schnee sin wegjetaut,
um dich de scheensten Fliederkränze,
als wärschte enne jungke Braut.
Un wenn ich ohm bei Trothe stehe,
wo Eichendorff jedichtet hat,
un rundergucke von der Hehe,
da sehe ich mer niemals satt;
da sehe ich mer niemals miede,
da predicht jeder Sonnenstrahl
un jeder Voochel singts in Liede:
„Es jeht nischt iwwersch Saaletall“
Un uffen Marcht mit sein’n Tärm‘,
da steh ich oft un gucke ruff!
Wer nich fer so e Bild kann schwärm‘,
der is e Dust, verlaß dr druff.
Drum, scheene Stadt in scheen’n Tale,
mei liewes Halle, sei jejrießt.
Ich liewe dr, solang de Saale
vorbei an dein’n Tärm‘ fließt.
Ernst Bunger (1929)
